Salempang Ate

Oleh: Aryo Gendeng

Seddang bannya’ oreng se labur da’ estona nafso se badah neng bedan dibi’, sengko’ ekanto nabangah judu kalaban becce’na dika, se tengkana la eyoker neng bato. Sahengga kabagusan tengkana anenggiagi lebbien sareng langngi’. Bagus tengkana, bagus palonca’ ben panyandak bahasana se ngundang langgi’ kaanggui ajelling ka raddina, ngundang un-daunan kaanggui pada ngepber tanang minta noro da’ kadika, jugan kabagusna bisa matodus sinara are, sahengga sinara are tak Bengal matao sinara. Napa pole dan kula se ce’ estonah kadika. Etabangah se anyamah dikah jeriah. Etabangah kalaban ate se ngolok ban nyebut asmana dika esabban bakto samarena abajang, nyo’on pitodu kaangguy ngaolle dika. Adu ale’ se raddin, muana oreng sadaja, aoba da’ ropana dika sahengga dan kula tak bisa abidaagi kaimma koning kaimma celleng. Etabangah, bunten tak edentosah sampian paneka, sabab dan kula kare becca cinta da’ dika. Pote ebaliggah daddi mira, se mira epapoteya. Ale’ se raddin, bula enga’ dabuna dika ebokta dika tak poron da’ dan kula “arapaah sengkok mi’ sennengah da’ ba’na, sala juba’ misken, gendeng pole. Hi, mi’ tak todus ba’na jeriya ngolok atena sengko’, sengko’ ta’ kera enda’ da’ ba’nah. Hem, najis tao, najis tao!” dabuna dika nyoco kaate kula se gitak siap narema dika taandak da’ kabula. Make ka konco’na peddang sareng kula enyareagina guru, kaanggui majilat be’na da’ kacopana ba’na se perna epagaggar neng eada’na mata dan kula.

Abarengan sarang aobana langgi’ dari pote ka celleng, dan kula mangkat nyare guru. Ebakto kaissa malem jumat pokol 6.30 jelassa lastarena asolat maurib dan kula ajalan ka disa sabelah se dabuna oreng-oreng badah dukon se mandi. Bannya oreng se acabis da’ dukon jeria ternyata sukses sadaja. Ampon kulah la dapa’ da’ romana dukon, bula gimeng da’ romana pak dukon, sabab eyerengah bennya’ ka’bungkaan se etolessih arab. Dan kula jugan tak ngarte da’ ka arte tolesan arab jaria. 5 menit abiddah kula se gimeng kalaban tolesan arab, salebbinah kula masok da’ romanah dukon.

“Assalamu alaikum” ngolok dan kulah da’ dukon.

“Waalaikum salam, ano napa gi?” tanyana pak dukon matako’ pekkera dan kula.

“Bunten pak, napa bender nika romana pak Misarawi” tanya dan kula kalaban nundu’.

“Enggi, bada parlo napa gi”  pak dukon atanya kalaban suara te’ alossa.

“Bunten pak nika’ ken atamui” nyambit dan kula kalaban alos jugan, sabab manabi muso nyerrang alos kudu soso’ kalaban alos jugan.

“Enggi, nyara lenggi” sambi nuding sarang tanang se empol pak dukon nyoro kula toju’.

“Eaongguna da’ nika pa’, dan kula seneng da’ na’ kana’ bini’.  Laapacaran keng olle sabulan putus. Ta’ enda’ da’ dan kula pa’. kadi napa se sae gi?” careta masalah se ekagadui bula da’ pak dukon.

“Mun jeriya gempang cong, masalah sato’or jeriya. Penda’en mon na’ kana’ ngoda re. mara sapa nyamana ba’na, nyamana se bini’?” tanya pak dukon da’ dan kula.

“Dan kula jerot. Asma se eka taresna sareng bula Wulan.” Jawabba dan kula ka pa’ dukan se maonga’ dada.

“Iya, area daiyah na’. engko’ andi’ can bacan kalako ya. Kalako sampe’ tello are marena abajang. Insyaallah daggi’ se bini’ neser da’ ba’na na’. can bacana enga’ ria;

Bismillahirrahmanirrahim

Dang dang wulu parat tangisan bumi langit

Guntur Guntur Muhammad bait

doaku nabi daut

sopo senggergu kasuara ingsun

tekka wales ase, ase asmu korem kalem sareng macan pote

smar tangis, smar datang

dang dang arok dang dang ku

nyaroteng amonyi rattaradan

tak kellar niser ka suara ingsun

"Senga’ beca tello kale samarena bajang  salama 3 are gi” ngabalana dukon da’ dan kula da’ can bacan pangesto.

“Enggi, ba skalangkong, dan kula nyo’on pamit ba?” kalaban ajulu aplop se esse pesse 50 ebu dan kula paleman kalaban ngiba can bacan dari pa’ dukon.

“Iya na’ skalangkong.” Nyambitdah pa’ dukon da’ dan kula.

“Assalamualaikum.” salam sareng dan kula eyocol da’ pak dukon.

“Waalaikumsalam.” Sambidah pa’ dukon ma bujer perkompola sengko’ sareng pa’ dukon.

Saampona olle tello are dan kula se ngalako can bacan dari pa’ dukon. Dan kula langsung entar da’ toguran se badah neng eseddi’na raomana Wulan, kaanggui ngettes kon kala kon se ekalako beri’na.

Sakitar tello jam dan kula adante’ Wulan kaluar dari romana, ternyata kaluar kalaban nganggui kalambi koning akodung mira aerrok celleng. Wulan ajalan da’ dan kula anandaagi ja’ can bacan se ekalako dan kula la mandi, tape ternyata Wula ta’ entar da’ dan kula. Wulan entar da’ Suib. Ternyata Suib kanca semma’ dan kula ngette’ dari budi, alias seneng jugan da’ Wulan. Ajelling Suib sareng Wulan ser esseran neng eyada’na dan kula, Dan kula mole kalaban nyambi sake’na ate. Kapeng settong kanca penghianat. kapeng duwe’ wulan tetep ta’ enda’ dan dan kula.

Dan kula abeli da’ kamar se langgi’na aberna celleng. Maksa dan kula kaanggui narema ja’ Wulan ta’ anda’ dan kula. Napa se kodu dan kula kalako, sabab can bacan becan dari pa’ dukon pon ta’ mandi. Benni gun dari settong dukon, tape ngabi’ lema’ dukon. Kalaban can bacan se bida dukon aberri’ da’ dan kula. Tapi ta’ mandi sadaja.

***

Asareng sossana ate, dan kula  mangkat da’ masjid kaanggui asolatdah berjamaa ban atanya’a da’ pa’ustad sedaddi imam tentang masalah dan kula. Napak da’ masjid dan kula audu’ karena adzan pon eyangka’ sareng muaddin. Tatangga pon pada ajalan da’ masjid kanggui abarjamaa jugan. Saampona lastare abajang imam langsung lonca’ da’ ka dikkeran. Saampona lastare adikker Imam pon toron kalaban soko se kacer, tape sarang dan kula epaambu.

“Sabelluna nyu’un sapora tad?” cara paambuna dan kula matakerjad pak ustad.

“Iya le’, badi napa gi?” tanyana pak ustad da’ dan kula. 

“Dan kula badi parlo da’ empyan tat?” pernyataan sareng kula ebagi da’ pa’ Usadts.

“EM, enggi, toju’ le’ malle sae.” Kalaban alos pa’ Usatad nyoro toju’.

“Enggi” kalaban settong kata dan kula nyambit.

“Abadi napa le’”pertanyaan pa’ ustad langsung to poin da’ dan kula.

“Dan kula buto siraman rohani tat.” Dan kula pon langsung to poin jugan.

“Enggi, tentang napa dallu nika?” teng cintana dan kula pa’ Ustad. 

“Oh, enggi, da’ nika le’ messen seterro ajalana eberri’ bensin, nape pole manussa le’.” Pernyatana pa’ ustad agandu’ arte se ta’ bisa dan kula nurodi.

“Enggi ken pa’ ken benne smangken, tpe deggi bayi, sabab dan kula gi’ eyantos sareng ebo’.” Nyambit dan kula kalaban nakal da’ pa’ ustad.

“Enggi, sae kia.” Kalaban agella’ pa’ ustad asalaman sareng dan kula ananda’ agi bujerra bis cabissan.

Dan kula jugan ta’ ngarte bidana ustad sareng dukon. Ebakto are jeria kia dan kula paleman kalaban nyambi kekecewaan da’ ka agama. Paleman dan kula kalaban nundu’ se esakseagi kalaban rebba lalang sebeda neng tatabuna. Jugan un perreng se gaggar kalaban agentang. Lastarena dari pa’ ustad dan kula gita’ paleman da’ compo’. Dan kula gi’ toju’ etoguran sebeda neng ngattengatdah kampong. Ajelling oreng se padah teng taeteng kalaban masalana bang sebang.  Ebekto jeria kia badah pareman kampong se ajelan dari temor entar da’ toguran. Lang sung nyapa dan kula kalaban bahasa se kasar “Kake cong”.

“Iye ka’.” Jawabah dan kulah se simpel da’ ka pareman jia.

“Arapa cong bi’ lako nundu’ bei. Bi’ engko’ ejelling kake dari jaunah, koro ken nundu’.” Tanyana preman dan dan kula.

“Tao rapa ka’, biasa masalah cinta.” Jawaba dan kula langsung mukka’ musawaro.

“Hehe, ba’na abajang cong.” Tanyana preman da’ dan kula.

“Enggi ka’.” Jawab kula kalaban singkat.

“Hehe, ba’na abajang tape gi’ sossa brarti ba’na gita’ abajang cong.” Pernyataan se ontalagi bi’ preman, maksa dan kula da’ kodu mekker.

“mi’ dayya ka’.” Tanya dan kula kalabban panasaran.

“Ia cong, sabbab neng bajang ria bada pitoduna allo. Conto inna solati wanusuki wamahyaya wamamati lillahi rabbilalamin artena saongguna shalat kula ban ibada kula ban odi’ kaula ban mate kaula paneka endi’na allo.” Jeweba pareman nyeram tang ate, se awwalla sake’ kalaban apo, ampon labaras.

“Em, enggi Bandar kiya kake ka’.” Jawab dan kula sambi ajelling da preman se kalaban laon nyigga tanpa pamit da’ dan kula. Dan kula pon bingung. masak preman lebbian sarang kiaye. Apa jeria ka agungah allo.

Dan kula palaman kalaban ate cellap maske cinta dan kula etola’, maske ehianati sareng kanca, maske ecokoco sarang ustad sabab cacana preman ngiba ojen secellep da’ tang ate.

Bangkalan 19-05-2017